鵬城行 - 南頭古城與雙年展

深圳的古城其實不止於大鵬所城，南頭古城比大鵬更古，公元三百多年已設。其位置算深圳市中心內，坐地鐵一號線到桃園或大新站，向北走一公里。

作為一個遊客，南頭卻係叫你感覺來這裡做乜勁之地：對比大鵬只有兩層高瓦片屋頂，「古城」裡遍是至少四五層高的現代化村屋，這裡係叫城中村，真係用來住人，你幾時見過旅遊書會推介公屋村當景點？噢又不是，既然彩虹村的外牆，華富村的走廊都可當打卡景點，那「古城」賣一下歷史，引一下遊客，賺一下錢又有何不可？

所以古城內外都有幾間小型博物館，逐小逐小講講這地的過往。但南頭的歷史始終唔夠多采多姿，適逄港深建築雙年展找展覽場地，南頭即獻城供其使用。看似成功引來一批文青遊客，但展期只到三月中，這成功能否持續到往後呢？不得而知。

這屆雙年展有個題目，就係把城中村可持續發展下去，令它避開被「怪手」壓倒。南頭就係一個實驗場，一種做法就係把牛雜店沙縣小吃店裝扮一番，似把村民士紳化。講真唔係你裝扮新潮一點就叫人沒有推倒你的借口，反而裝新令「古城」離古字愈走愈遠。

古城裡有座棄置的工廠做了雙年展的主場館，內裡有個《南方 南方》的題 - 講南美貧民區的持續發展經驗，其中一幅影著聖保羅貧民區，看過來就仿似四川色達的紅屋群。聖保羅的貧民該沒想過自己的房子有機會成吸引人的景點，正如彩虹村沒想過會引到外人來打咭，我們生活，原本就只係為了生活，而沒想過讓他人觀摩。

大概南頭也一樣，還是不要奢望它去留住那古意了。