關東行 - 台場

台場係個扮高檔扮哂野的地方，這是我的先入為主。

從地圖參考到的方法，前往台場係需要搭叫Yurikamome，全名東京臨海新交通臨海線「百合鷗號」。無論由新橋還是豐洲搭過去，都要三百二十円。你搭地鐵由銀座到池袋，距離遠五倍以上，卻只要二百三十十円。

台場站一出，係一個大平台，四通發達架空在路面之上，你要在台場行走，注定都要「離地」。平台連接都係大商場，由平台望向街道，見唔到有甚麼街鋪。這不同銀座，銀座高檔極都係叫你走在地上，甚多地鋪讓你窗外偷窺到夠。台場卻正如我們的將軍澳，那被譽為無街道的城，要鳩嗚那請走進商場，平台都係空曠，遊人再多都未見擠得滿。

台場有兩大地標：一個係Diver City旁的高達，來到時候天已快入黑，卻沒個夕陽去反射，故此投影出較深層憂屈，換轉藍天的下午，反該係朝氣勃勃。

另一個係近海邊的自由神像，這原本係法國借給日本擺一下，法國收返了後，日本仔卻仿製了一個。老老實實似乎應該這個位置放高達更合適，畢竟東京灣就是東京，何必要翻炒做另一個紐約？

總覺得如此設置，背後係要突顯所謂的東方王道與西洋霸道：海旁的自由神像，輕易霸著整個東京灣天空；高達再高，卻也高唔過背後的Diver City商場，顯得要懼縮在資本主義下。

除這些外，台場就只係吹吹風就好之地，要走要逛，腳踏實地的街道才有趣。